RUNDVÍSING
Listasavn Føroya bjóðar dagstovnum og frítíðarskúlum ókeypis vitjan og rundvísing. Setið tykkum í samband við okkum á tlf. 22 35 79 ella við telduposti til skular@art.fo.
Vit fara á rundferð í framsýningini á søguteppinum og práta um ymisk listaverk. Vit brúka hugflogið og røra við onkur listaverk. Rundvísingarnar taka støði í eini samrøðu millum børnini og savnslæraran, har vit práta um hvat vit síggja, og um litir, skap og myndevni.
Í forhøllini eru tvey borð, har til ber at hugna sær við ymiskum kreativum uppgávum. Tit kunnu tekna og leggja litir á postkort og myndir frá savninum, loysa uppgávur um listaverk o.a.
Hava tit sum námsfrøðingar hugskot ella ynski í sambandi við eina evnisviku ella annað í samstarvi við savnið, so eru tit vælkomin at seta tykkum í samband við okkum.
Praktiskar upplýsingar
Tíð: uml. 20 min og í mesta lagi 12 børn.
Taskur og jakkar skulu heingjast í klædnaskápið.
Vælkomin á Listasavn Føroya!







