RUNDVÍSING

Listasavn Føroya bjóðar miðnámsskúlum, tekniskum skúlum og Námsvísindadeildini ókeypis vitjan og rundvísing.

Setið tykkum í samband við okkum á tlf. 22 35 79 ella við telduposti til skular@art.fo.

Vit leggja dent á føroyska listasøgu og hyggja nærri at útvaldum høvuðsverkum í føstu framsýningini á Listasavni Føroya. Vit koma millum annað inn á myndagreining og evni í føroyskari list.

Vit brúka tær skiftandi framsýningarnar til at hjálpa okkum at lýsa eitthvørt evni betur. Eftir ynski kunnu vit eisini hava serstakar rundvísingar í serframsýningunum.

Hava tit sum lærarar hugskot ella ynski í sambandi við eina verk- ella undirvísingarætlan í samstarvi við savnið, so eru tit vælkomin at seta tykkum í samband við savnslæraran.

Praktiskar upplýsingar

Tíð: uml. 40 min og í mesta lagi 26 næmingar.

Taskur og jakkar skulu heingjast í klædnaskápið.

Vælkomin á Listasavn Føroya!