Leygardagsrundvísing á Listasavni Føroya
Rundvísingar til barnafamiljur eru kl. 14:00 hvønn leygardag
Rundvísingin tekur umleið 30 minuttir og vendir sær serliga til familjur, har børnini eru millum 6-12 ár.
Kom við á eina spennandi rundvísing í barnahædd, sum savnar familjuna við góðum søgum um list. Okkara rundvísari finnur søguteppið fram, og saman fara vit á ferð í framsýningini. Vit vitja djóra-rúmið, hyggja at einum útstappaðum veðri og uppliva eina ørandi kenslu í Bládýpinum. Uppliva Føroyar gjøgnum myndir – saman við familjuni.
Rundvísingar eru ókeypis, tá ið atgongugjald er goldið. Atgongugjald vaksin: 65 kr. Børn undir 18 ár: ókeypis.
Í mesta lagi 30 fólk til rundvísingina. Atgongumerki fáast á degnum í móttøkuni á Listasavni Føroya.
Rundvísingar til vaksin eru kl. 15:00 hvønn leygardag
Rundvísingin er umleið 45 minuttir.
Rundvísarin leiðir tykkum gjøgnum spennandi og týðandi evni í føroyskari list – teirra millum havið, landsløg, dýr, siðvenjur, átrúnað og nógv afturat. Kom við á rundvísing, uppliva Føroyar í myndum og hoyr góðar søgur um listina.
Rundvísingin er ókeypis, tá ið atgongugjald er goldið. Atgongugjald fyri vaksin: 65 kr.
Í mesta lagi 30 fólk til rundvísingina. Atgongumerki fáast á degnum í móttøkuni á Listasavni Føroya.
Rundvísingar eru somu tíð hvønn leygardag alt summarið.
Exhibition Opening: "The Body"
Shrovetide mask at the National Gallery of the Faroe Islands
Listasavn Føroya will have a new director
Vetrarjazz at the National Gallery of the Faroe Islands
Merry Christmas - we'll be open again 15 January
Merry Christmas and a Happy New Year! We look forward to welcome you in 2024.
The National Gallery will be open from the 15 January.