Sum liður í eini trý ára langari verkætlan í norðurlendska/baltiska lista- og vísindanetverkinum ‘State of the Art Network’ (SOTAN), eru føroysku umboðini í netverkinum í hesum døgum vertir fyri einum vikulongum átaki, sum eitur ‘The Rewilding and Earth Making Tour - Connectedness in Science and Art’.

Umboðini eru: Jón Sonni Jensen, Kim Simonsen, Guðrið Poulsen, Jón Aldará, Kolbrún í Haraldsstovu og Uni Árting. Umframt teir seks føroysku vertirnar, eru fimm gestir úr netverkinum á vitjan í Føroyum 10.-17. juli.

Mikukvøldið 13. juli kl. 17-19 verður alment tiltak á Listasavni Føroya.

Tiltakið í Listasavninum er eitt forleingilsi av einum sokallaðum ‘Art Hike’ í Húsahaga, sum fyriskipararnir og gestir hava verið á fyrr á degnum, og framløgur og framsýning taka hetta kvøldið beinleiðis støði í og íblástur frá hesum túri.

Gevið gætur: Tiltakið verður á enskum.

Skráin fyri kvøldið:

• Jón Sonni Jensen bjóðar vælkomin.
• Stuttar framløgur: Guðrið Poulsen (FO): A Straight Line a Curved - A walk on the outskirts of town in pictures and words.
• Anne Cecilie Lie (NO): Sound Walking/Mesh Listening - Sound, omnipresent and physical, yet highly ephemeral offers possibilities of representing the ecological mesh we are inextricably entwined in. 
• Jón Sonni Jensen (FO): The Dichotomy of Creation and Sustainability - Materiality and Accountability.
• Eeva-Liisa Puhakka (FI): Salty Ice Blocks - Creative and elemental encounters between our senses, aesthetics, and the cultural perception - and how blue cows led me into creating bioplastics.
• Steðgur.
• Pallborðskjak.

Eftir kjakið ber til at seta spurningar og annars síggja lítlu serframsýningina, sum verður fyriskipað hetta kvøldið.

Umframt fleiri innanhýsis tiltøk í vikuni og tiltakið í Listasavninum, bjóða føroysku SOTAN-umboðini og gestir teirra til alment tiltak á G! Festivalinum: 

15. juli kl. 13-17 - Fjósið á G! Festivalinum: framløgur, samrøður, video, ljóð og yrkingaupplestur.

Les um netverkið og trý ára longu verkætlanina her:

https://bioartsociety.fi/projects/state-of-the-art-network

Til ber at fylgja við virkseminum hjá SOTAN í Føroyum hesa vikuna á almenna facebookbólkinum: https://www.facebook.com/groups/3169680036581370

Øll eru hjartaliga vælkomin.