Methøgt vitjanartal á Listasavni Føroya
Listasavn Føroya hevur í 2021 upplivað ein stóran vøkstur í vitjanartalinum við heili 35 % í mun til í 2020, sum eisini var eitt sera væl vitjað ár.
Heili 17.065 gestir hava vitjað savnið í 2021. Hetta er í tíðarskeiðnum frá 1. jan. - 1. nov., tá savnið læt aftur vegna umvæling.
Økingin í vitjanartalinum stendst serliga av mongu føroysku gestunum, sum hava vitjað savnið í ár. Tað hava nevniliga verið væl færri útlendingar í bæði 2020 og 2021 samanborið við undanfarin ár áðrenn koronu. Samanborið við 2019 hava 90 % fleiri føroyingar vitjað Listasavn Føroya.
Karina Lykke Grand, stjóri, sigur soleiðis um methøga vitjanartalið:
“Vit eru ótruliga fegin um mongu vitjanirnar og gleða okkum til at lata upp aftur 1. februar við nógvum spennandi framsýningum og tiltøkum. Vit stremba alla tíðina eftir at menna okkara tilboð og skapa góðar listaupplivingar fyri øll.”
Listasavn Føroya letur upp aftur 1. februar 2022.
Exhibition Opening: "The Body"
Shrovetide mask at the National Gallery of the Faroe Islands
Listasavn Føroya will have a new director
Vetrarjazz at the National Gallery of the Faroe Islands
Merry Christmas - we'll be open again 15 January
Merry Christmas and a Happy New Year! We look forward to welcome you in 2024.
The National Gallery will be open from the 15 January.