Ruth Smith (1913-58) hevur málað fleiri málningar við donskum myndevnum, meðan hon gekk á kunstakademiinum í Danmark, og hetta er ein av teimum.

Karina Lykke Grand, stjóri, sigur soleiðis um verkið: “Málningurin hevur í eina tíð verið í varðveitslu á Listasavni Føroya og nú fekk savnið møguleika at keypa verkið. Ruth Smith hevur málað málningin av toruluft á einum summartúri til Vorupør í Norðurjútlandi. Legg til merkis litirnar og megina, ið eru serliga sterk í hesum málninginum.”

Fleiri av málningunum eftir Ruth Smith eru at síggja í føstu framsýningini og í serframsýningini “Heimstaðurin”.

Vælkomin!