Kom og bygg tíni dreymahús - Familjuverkstova tann 15. juli
Vælkomin á familjuverkstovuna ‘Dreymahús’ hósdagin tann 15. juli.
Í sambandi við framsýningina ‘Heimstaðurin’ bjóða vit børnum og foreldrum at byggja smá hús í alskyns sniðum og úr øðrvísi tilfari.
Hvussu sær títt dreymahús út? Og líkist tað húsunum, sum tú sært rundan um teg? Er tað fýrkantað ella kanska runt? Er tað ein smátta í einum træi, eitt slott ella kanska ein hola? Lat eyguni aftur og ímynda tær, hvussu tað kennist at vera inni í júst tínum dreymahúsi. Við íblástri frá listaverkunum hjá Hanna Bjartalíð kanna vit dreymahús nærri og byggja okkara egnu. Eins og Hanni Bjartalíð fara vit m.a. at nýta endurnýtslutilfar og royna okkum við øðrvísi og ævintýrakendum sniðum í húsabyggingini. Verkstovan verður hildin í samstarvi við Søs Uldall-Ekman frá Faroe Islands With Kids.
Verkstovan verður tann 15. juli frá kl. 11-15 á Listasavni Føroya. Hvør verkstova tekur áleið 30 min, og pláss er fyri 15 børnum og vaksnum í senn.
Verkstovurnar verða hesar tíðir:
Verkstova 1: kl. 11.15-11.45
Verkstova 2: kl. 12.00-12.30
Verkstova 3: kl. 13.15-13.45
Verkstova 4: kl. 14.00-14.30
Verkstova 5: kl. 14.30-15.00
Verkstovurnar eru ókeypis, tá atgongumerki til savnið er goldið. Børn og ung undir 20 ár umframt limir við árskorti sleppa ókeypis inn. Atgongugjald: vaksin 90 kr., pensjónistar 70 kr., lesandi 25 kr. Árskort fáast til keyps í móttøkuni, og ein valfrí plakat fylgir við.
Millum kl. 11-15 fáast krit í móttøkuni, og vit fara at krita uttan fyri savnið. Listakvinnan Randi Samsonsen hevur í hennara listaverkum valt út orð, ið hon setur í samband við síni barndómsheim og heimið hjá ommuni og abbanum. Kunnu tit finna 10 lutir, luktir, matvørur, klæðir ella annað, ið tit seta í samband við eitt stað, har tit kenna tykkum heima? Vit krita allar lutirnar og heimini uttanfyri.
Vælkomin á familjuverkstovu á Listasavni Føroya!
Exhibition Opening: "The Body"
Shrovetide mask at the National Gallery of the Faroe Islands
Listasavn Føroya will have a new director
Vetrarjazz at the National Gallery of the Faroe Islands
Merry Christmas - we'll be open again 15 January
Merry Christmas and a Happy New Year! We look forward to welcome you in 2024.
The National Gallery will be open from the 15 January.