Náttúra, mentan og kroppur
21 August 2020 - 18 October 2020
Føroysk listafólk hava eina sterka siðvenju fyri at mála abstrakt og ekspressiv landsløg, og fleiri av hesum stórverkum verða sýnd fram í Listaskálanum. Á svalanum eru litrík landsløg og nærmyndir av náttúruni. Í stóra rúminum kanst tú uppliva føroyska landslagið endurgivið í myrkum litum, á risastórum flatum og nógvum litbrøgdum, eins og standmyndir úr leiri. Í aftasta rúminum verður innara landslagið viðgjørt við verkum, sum taka støði í menniskjakroppinum. Nakni kroppurin, tvørskurðir av æðrum, tilvísingar til húð og røntgenmyndir kveikja sansarnar og vekja undran. Evnini landslag, abstraktión og kroppur kunnu eisini upplivast í føstu framsýningini.