Listasavn Føroya er tjóðlistasavn Føroya, har tað besta av føroyskari list verður sýnt fram. Á Listasavninum kanst tú uppliva føroysku náttúruna og serstaka landslagið umsett til myndir. Tú kanst síggja málningar, sum endurgeva grønu fjøllini, brøttu bergini, vøkru bygdirnar og dunandi havið. Tú kanst eisini uppliva myndir av ríka fuglalívinum og mongu seyðunum í Føroyum.

Uppheingingin er sett saman av bæði eldri og nýggjari verkum. Framsýningin leiðir gestin gjøgnum 12 týðandi og viðkomandi evni í føroyskari list, søgu og mentan. Evnini eru: havið, landslagið, dýr, portrett, ull, átrúnaður, steinar og nógv fleiri afturat.

Millum serstøku listaperlurnar á Listasavninum finnur tú verk gjørd úr føroyskum hestahári, eina standmynd við einum útstappaðum føroyskum veðri, ein hval í veruligari stødd settur saman av 32.000 plastikkhermonnum og ljóði. Eitt av høvuðsverkunum á Listasavninum er eitt rúm gjørt úr glasi, sum øll familjan kann fara inn í og fáa kensluna av at sveima á sjónum. Tit kunnu síggja 700 metrar upp og niður! Ger teg til reiðar til eina ørandi listauppliving.