Í tíðarskeiðinum 11. februar til 15. juni setur Listasavn Føroya sjóneykuna á landslagslist við serframsýningini Landslagið í broyting.

Landslagið sum myndevni fyllir nógv í føroyskari listasøgu og hevur bergtikið listafólk í fleiri ættarlið. 

Føroyskir listamálarar hava søguliga havt eina sterka siðvenju við at mála landslagið á ein romantiskan og hugfarsligan hátt, meðan samtíðarlistin alsamt flytir seg til annað tilfar og onnur úttrykk. Landslagið í broyting bjóðar okkara siðbundnu fatan av landslagslist av. 

Landslagið í broyting varpar ljós á broytingar bæði í náttúruni og listini og kannar, á hvønn hátt samtíðarlistin endurspeglar broytingarnar í føroyska samfelagnum og náttúruni.

Listaverk eftir hesi listafólk eru við á framsýningini:

Ruth Smith, William Heinesen, Frida Zachariassen, Elinborg Lützen, Bent Restorff, Christen Holm Isaksen, Jógvan Waagstein, Tita Vinther, Bárður Jákupsson, Jack Kampmann, Thomas Arge, Zacharias Heinesen, Alda Mohr Eyðunardóttir, Anný Djurhuus Øssursdóttir, Tummas Jákup Thomsen, Peter Højlund Palluth, Uni Árting & Jens L. Thomsen, Ingi Joensen, Ole Wich, Brandur Patursson, Ragnhild Hjalmarsdóttir Højgaard, Oggi Lamhauge, Marius Olsen, Guðrið Poulsen, Súsan í Jákupsstovu, Rúni Weihe, Jana Jonhardsdóttir.

Hoyr Onnu Mariu Dam Ziska, savnsumsjónarfólk, greiða frá framsýningini í sendingini Nón í KVF við at trýsta her.