Tað líkist einari gerandishending, men er meira enn tað. Gamla mamma listafólkið hevur sett seg niður uttan at lata seg úr fyriklæðinum og turriklæðinum. Gamla rukkuta andlitið og tær grovligu hendurnar bera boð um eitt langt og strevið lív.

Hon hevur lagt saman hendur, og á borðinum aftanfyri liggur Bíblian sum prógv um eitt lív grundfest í trúnni. Bókin og hendurnar hava samband við ein elalítlan fugl, sum situr á gólvinum í ljósinum frá einum vindeyga. Krossdánaði skuggin minnir okkum á, at ikki ein einasti spurvur fellur til jarðar uttan Guðs vilja (Matt. 10,29).

Lýsingin er naivistisk við abstraktum lutum, og eins og í barnsins heimi valdar gandurin í listini hjá Sigruni Gunnarsdóttir.