Ein flottur harri, hábærsliga endurgivin. Sæddur eitt sindur úr neðra fyllir herðabreiði maðurin við tí skarpleitta andlitinum allan myndaflatan. Bráið ber boð um snarræði og styrki, men í roynd og veru hevur persónsmenskan minni at siga her.

Myndin er fyrst og fremst ein ritroynd í trongum formi bygd upp av litum og við bæði flatanum og rúmleikanum í sær. Skapið kemur sostatt fram í býtinum millum reydlig og grønlig øki.

Nýtsluna av slíkum kontrastlitum hevði Ingálvur lært av danska frábrigdinum av franskari ekspressionismu. Í hesum føri er tó alt spent upp í andanum hjá kubismuni sum tekin um, at listamaðurin flytir seg yvir móti abstraktiónini.