Myndin hevur slagmáttin í plakatini og sniðfundigheitina í málninginum. Harafturat skiftir myndin millum fotografiska naturalismu í súluhøvdunum og skuggavirknaðin hjá lýsingaskeltinum í klædningunum.

Súlan er størsti fuglur í Føroyum, og her avmyndast hon í tøttum raði við einum skógi av spískum nevum eins og spjót. Í sínum pertnu klædningum stíga súlurnar fram sum ein reiðfylking av valdsmenniskjum við førarakallinum á odda.

Og so kemur tað tvítýdda heitið – á enskum - sum tilsiping til universella innihaldið. Í hesum fuglabøli snýr tað seg um vald, um ein leiðara, sum hertekur onnur, sum sjálv fegin vilja vera eins og hann.