Søga

Í 1941 varð Listafelag Føroya sett á stovn í Keypmannahavn. Endamálið var at savna føroyska list. Aftaná kríggið stovnaði Føroya Løgting í 1948 Føroya Almenna Listasavn við tí fyri eygað at skapa eitt alment savn av list. Hesi bæði søvn vórðu í 1989 løgd saman til sjálvsognarstovnin Listasavn Føroya við stuðli frá tí almenna.

Savnið av listaverkum á Listasavni Føroya er síðan víðkað við verkum, sum eru keypt ella móttikin sum gávu, og her hevur stuðul frá donskum grunnum verið avgerandi. Í dag fevnir savnið um áleið 2.600 verk, alt frá elst varðveittu myndunum frá 1840’unum til samtíðarlistina í dag. Teirra millum er tað størsta savnið av verkum eftir Sámali Joensen-Mikines og ein long røð av høvuðsverkum hjá stóru føroysku listafólkunum.

Sum alment stuðlaður mentanarstovnur er tað uppgávan hjá Listasavni Føroya at savna og varðveita føroyska myndlist, granska í henni og miðla hana sum ein part av føroyska mentanararvinum. Kunningin kemur til sjóndar í bókaútgávum, granskingarverkætlanum og framsýningum av list, bæði í Føroyum og uttanlanda. Við jøvnum millumbilum verða serframsýningar við útlendskari list vístar, sum seta føroysku listina í eitt størri høpi.

+298 31 35 79
info@art.fo
Gundadalsvegur 9, P.O. Box 1141 FO-110 Tórshavn, Faroe Islands
Upplatingartíðir
Tíðarskeiðið 1. mai - 31. august:
Mánadag - sunnudag kl. 11.00 - 17.00

Tíðarskeiðið 1. sept. - 30. apríl:
Týsdag - sunnudag kl. 13.00 - 16.00
Mánadag ikki opið
Atgongd
Vaksin: 65 kr.
Lesandi: 25 kr.

Bólkar, min. 12 vaksin: 50 kr. pr. persón.
Limir og børn undir 16 ár: ókeypis.
+298 31 35 79
info@art.fo
Gundadalsvegur 9, P.O. Box 1141 FO-110 Tórshavn, Faroe Islands