Rundvísingar
Bílegg eina rundvísing á Listasavni Føroya og uppliva savnið av føroyskari list frá 1800-talinum og til í dag.
Vit bjóða rundvísingar til ferðaløg, privatar bólkar, fyritøkur, almennar stovnar, skúlaflokkar, bindiklubbar og øll tey, sum eru áhugaði. Vit eru serfrøðingar í føroyskari list og kunnu leggja rundvísingina og evni til rættis eftir tykkara ynski í tí føstu framsýningini og/ella okkara skiftandi serframsýningum.
Tá børn koma til rundvísing, fara vit ein túr gjøgnum framsýningina á einum søgu-teppi, sum vit taka við okkum frá listaverki til listaverk.
Í vanligari upplatingartíð kostar ein rundvísing 800 kr. og skal bíleggjast frammanundan. Prísurin uttanfyri vanliga upplatingartíð verður avgreiddur einsæris. Atgongugjald, sum er 90 kr. pr. persón, skal eisini gjaldast. Er bólkurin størri enn 12 fólk, fáa tit bólkaavsláttur, sum er 60 kr. pr. persón, um tit gjalda saman.
Vit viðmæla, at bólkar við fleiri enn 30 fólkum verða býttir í tvey.
Rundvísing kann bíleggjast við at skriva ein meyl til info@art.fo ella ringja til +298 22 35 79.