July 30, 2020

Randi Samsonsen

Júst nú ber til at uppliva bleytar skulpturar í forhøllini á Listasavninum. Tað er listakvinna Randi Samsonsen sum hevur bundið, hekklað og seymað teir litríku skulpturarnar.

Hvat er tað, ið hongur úr loftinum?

Listaverkini, sum síggjast í forhøllini á Listasavninum, eru bundin og hekklað, og er tað listakvinnan, Randi Samsonsen, sum stendur handan hesi verk. 

Í Føroyum eiga vit eina sterka siðvenju í bindimentan okkara. Fyrr í tíðini var alneyðugt at duga at binda, so tað var møguligt at lata alla familjuna í. Tá varð bundið úr føroyskari ull, men í dag er ov dýrt hjá føroyingum at hagreiða ullina til tógv. Í dag verður tað, ið eina ferð var ”Føroya gull”, brent og tískil ikki gagnnýtt. Frálæring í at binda er somuleiðis meira ella minni tikin úr tímatalvuni í skúlum.

Við teim bundnu listaverkunum megnar Randi Samsonsen at varpa ljós á, at føroyska bindimentanin enn livir, hóast hon er broytt  - og soleiðis fær bindimentanin nýggjar møguleikar. Tógv kan brúkast til annað enn klæði – tógv kann nýtast til at gera standmyndir.

Í listahøpi verða standmyndir ofta gjørdar úr hørðum tilfari sum marmor, gips ella bronsu, og ofta skulu líknandi standmyndir verða tilevnaðar sum kend menniskju. Bleytu standmyndirnar hjá Randi Samsonsen eru gjørdar burtur úr ulli - onkrar burtur úr bummulli, og aðrar úr hópframleiddum fleece og velourtilfari við kraftigum litum.

Hvat ímynda tey?

Summar av standmyndunum kunnu vekja hugsanir um seyðainnvølir og –yrkisgøgn. Aðrar um hendur og fingrar, ið binda. Hevur tú hugsað um, hvussu hendurnar síggja út, tá ið tú bindur? Hetta sær til tíðir púra abstrakt út – og tað er júst hetta , ið Randi Samsonsen hevur skapað til (bleytar) standmyndir. Hyggið enn eina ferð eftir standmyndunum og avgerið nú, hvør av hesum minnir mest um innvølir, og hvør minnir um menniskjans hendur, ið binda?

Hvør er ætlanin við verkunum?

Við teim bundnu og hekklaðu verkunum varpar Randi Samsonsen ljós á, at lutir, ið verða skapaðir og tilevnaðir við teim beru hondum, og sum eru gjørdir burtur úr staðbundnum vørum, eru nakað sjáldsamt. Teir flestu lutirnir, sum vit hava uttan um okkum í gerandisdegnum eru hópframleiddir hinumegin knøttin. Listasavnið setur spurnartekin við, um vit kunnu broyta hetta. Kunnu vit í størri mun nýta staðbundið tilfeingi og verja ein av okkara ríku hondarbeiðssiðvenjum?

Tó kann sigast, at føroyingar enn tann dag í dag – og hóast alheimsgerð - binda nógv. Henda siðvenja verður millum annað varðveitt í bindiklubbunum, sum harumframt styrkja um felagsskap.

Er loyvt at nerta við standmyndirnar?

Verkini hjá Randi Samsonsen eru viðkvom og sansalig, og ja – hetta gevur einum hug at nerta við verkini. Eins og við hinari listini á savninum skulu hesi verkini tó upplivast við eygunum og ikki við hondunum – so at tey ikki oyðileggjast.

Við okkara evnisborðum her í kaféini sleppur tú tó at sessast og at royna at gera eina mikrostandmynd burtur úr Silk Clay.

Aftaná kundi tú til dømis farið heim og bundið.

Góða sýning (og góðan bindihug)!

Frímerki við motivi eftir bundnu lutunum hjá Randi Samsonsen. Kennir tú hendurnar aftur?

August 14, 2020

MUSIC & ART

The National Gallery of the Faroe Islands is creating new links between art and music. Five bands/musicians have each composed a new track inspired…
Les meira
April 10, 2020

COLOURING BOOK

Faroese artworks for you to colour in
Les meira
April 9, 2020

RANDI SAMSONSEN

Soft artworks are hanging from the ceiling and on the walls at the National Gallery of the Faroe Islands. Knitted and crocheted by Faroese artist Rand…
Les meira
April 8, 2020

Visit from Faroese business magazine

See and read more about why Faroese art is so remarkable and outstanding.
Les meira
December 13, 2019

A Pilot Whale Made out of 32.000 Toy Soldiers

Can art generate constructive dialogue and bridge the gap in the divisive debate surrounding pilot whale killing in the Faroe Islands?
Les meira
+298 31 35 79
info@art.fo
Gundadalsvegur 9, P.O. Box 1141 FO-110 Tórshavn, Faroe Islands
Opening hours
From 1 May - 30 September:
Monday - Sunday 11.00 - 17.00

From 1 October - 30 April:
Tuesday - Sunday 13.00 - 16.00
Closed on Mondays
Admission
Adult: 65 DKK
Student: 25 DKK

Groups, min. 12 adults: 50 DKK per person.
Children under 18: free.
+298 31 35 79
info@art.fo
Gundadalsvegur 9, P.O. Box 1141 FO-110 Tórshavn, Faroe Islands