Hvat vil tað siga at vera norðurlendsk og samstundis vera staðsett á eini klettaoyggj mitt í Atlantshavinum? Hvussu navigerar mann millum at vera partur av einum felagsskapi og samstundis vera í einum landafrøðiligum og mentanarligum útjaðara?

Í hesum webinarinum hugleiðir Solveig Hanusardóttir Olsen, stjóri á Listasavni Føroya, um postkolonialar spenningar, sum mynda savnsarbeiðið. Her snýr tað seg ikki bara um at miðla list og mentan, men eisini um at markera seg og varpa ljós á listina í einum stórum felagsskapi.

Vit kanna m.a.:

– At vera útjaðari og miðdepil samstundis – avbjóðingar og møguleikar
– Tá landafrøði, samleiki og norðurlendskar siðvenjur møtast
– Avbjóðingar hjá oyggjasamfeløgum at skapa sína egnu mentanarligu frásøgn

Hetta er ein samrøða um tilknýti og rættin at skilgreina seg sjálvan sæð úr einum føroyskum sjónarhorni, men við týdningi fyri øll, sum arbeiða við mentan í Norðurlondum.

Tilmelding:
https://forms.gle/EbwCvAJAnmsZrFsm8