Rundvísarin kemur at taka sær av at vísa skúlaflokkum, stovnum, ferðafólkum og privatfólki runt á savninum. Sum rundvísari fært tú upplæring í føstu framsýningini umframt í skiftandi serframsýningum.

Vit seta gestin í miðdepil og arbeiða fyri at skapa góðar upplivingar fyri øll okkara vitjandi. 

Vit vænta, at tú kanst átaka tær ymisk sløg av rundvísingum og vísa ymiskum bólkum runt. Flestu rundvísingar eru gerandisdagar millum kl. 9-16. Viðhvørt eru eisini rundvísingar um kvøldið ella í vikuskiftum. Ein rundvísing tekur oftast 45 min. til ein tíma. Flestu rundvísingarnar eru á føroyskum, og nakrar eru á donskum og enskum, og tað er tí ein fyrimunur at duga væl at samskifta á hesum málum.

Starvið er tímalønt sambært satsum hjá savninum. 

Sum rundvísari kanst tú vænta umleið 5-10 rundvísingar um mánaðin, og tú skrivar teg upp til tær rundvísingar, ið tú kanst taka. Talið av rundvísingum kann vera skiftandi í sambandi við framsýningar, feriur o.a. virksemi á savninum.

Send okkum eina stutta umsókn á info@art.fo. 

Um tú hevur spurningar, kanst tú ringja til Dagmar Winther á telefon 218088 ella senda ein teldupost til dagmar@art.fo.

Vit viðgera umsóknirnar so við og við og kalla inn til samrøðu. Starvið verður sett sum skjótast. 

Listasavn Føroya