May 24, 2024

Tiltak um móðurskap í Føroyum

Hóskvøldið 30. mai kl. 19 verður tiltak á Listasavni Føroya um móðurskap í Føroyum.

Í sambandi við serframsýningina “Likam”, sum í løtuni er at síggja á Listasavninum, fer Listasavnið at bjóða til fyrilestur og orðaskifti um móðurskap í Føroyum.

Serframsýningin “Likam” rúmar fleiri listaverk, ið viðgera móðurskap á ymiskan hátt, og hetta er eitt vælkent myndevni í føroysku listini.

Nanna Schneidermann, lektor og granskari við lærda háskúlan í Aarhus fer at greiða frá granskingarverkætlanini “Gendered Island Futures”, ið viðger móðurskap í Føroyum. Hon fer at hugleiða um móðurskap sum hugtak og fyribrygdi í einum lítlum oyggjasamfelagi og fer at skifta orð um hetta evnið við listakvinnurnar Guðrið Poulsen og Rannvá Holm Mortensen, ið báðar hava verk við á framsýningini “Likam”.

Guðrið Poulsen hevur gjørt nýggju standmyndina, ið júst er reist í miðstaðarlundini í Fuglafirði. Talan er um eitt minnismerki til kvinnur, deyðar í barsilssong. Verkið eitur “Karyatida”, og á framsýningini “Likam” sæst ein modell av standmyndini. Guðrið hevur endurtulkað karyatiduna, ið vit annars kenna frá byggilistini og antikka grikska arkitekturinum. Karyatidan hjá Guðrið er ein abstrakt ímynd av kvinnuni og hennara plássi í verðini. Standmyndin er sett saman av nógvum fláum, ið hanga saman og skapa eina sterka, berandi eind. Monumentala súlan í Fuglafirði er heili 5 metrar høg, men hóast hetta, so er úttrykkið eyðmjúkt, ið helst kemst av, at hon er tilevnað úr natúrligum tilfari.

Rannvá Holm Mortensen gav út yrkingasavnið “Vármjólk” í 2022. Savnið viðger tilverunnar stóru spurningar, har kroppurin livir í samveru við aðrar livandi verur á jørðini. Náttúra og lívfrøði verða flættað saman til eina skaldsliga søgn um frumorku í kvinnuhami. Kvinnan gevur lív, eins og náttúran og árstíðirnar ímynda ymsu tíðarskeiðini í lívinum. Brot úr “Vármjólk” er skrivað á veggin aftan fyri bróstlíknandi skapið, ið Rannvá hevur tilevnað úr vovnum klæði. Hendan installatiónin, ið eitur “Mjólkaevangeliið”, er ein gleðiboðskapur um at geva lív, har kvinnukroppurin er eitt lívgevandi hylki, ið stundum má berjast í dagsins samfelag - eins og náttúran.

Tiltakið er ókeypis, og øll eru hjartaliga vælkomin.

Les meira um framsýningina 'Likam' her <<

April 29, 2024

Summer Opening Hours

From May 1, Listasavn Føroya is open from 11 am to 5 pm every day of the week.
Les meira
April 12, 2024

Exhibition Opening: "The Body"

The new special exhibition, ‘the Body’, opens on Friday, the 19th of April, at 4PM-6PM.
Les meira
February 8, 2024

Shrovetide mask at the National Gallery of the Faroe Islands

8 February - 12 February 2024.
Les meira
February 1, 2024

Listasavn Føroya will have a new director

Karina Lykke Grand lands a major position in Denmark.
Les meira
January 21, 2024

Vetrarjazz at the National Gallery of the Faroe Islands

26 and 27 January: two free concerts
Les meira
+298 22 35 79
info@art.fo
Gundadalsvegur 9, P.O. Box 1141 FO-110 Tórshavn, Faroe Islands
Opening hours
From 1 May - 31 October
Monday - Sunday 11 - 17

(1th Thursday every month 11 - 20)

From 1 November - 30 April
Monday, Thursday to Sunday 11 - 16







Admission
Adults: 90 DKK
Senior discount ticket: 70 DKK
Students: 25 DKK
Children and young people under 20 years: free

Group discount min. 12 adults: 60 DKK per person

Annual pass for one: 225 DKK
Annual pass 1+1 - bring a friend for free: 300 DKK

The annual pass includes free entrance to the museum as well as free admission to guided tours, concerts and events.

In addition to that, you get 10% discount on posters, books and postcards as well as 10% discount in the museum café.
+298 22 35 79
info@art.fo
Gundadalsvegur 9, P.O. Box 1141 FO-110 Tórshavn, Faroe Islands