Listasavnið eigur nógvar týðandi málningar eftir Mikines, Ruth og Ingálv. Hvør av teimum tólv kapitlunum tekur støði í einum høvuðsverki og setir tað og skyld verk í menta- og lista­søguligt samanhang.

Serliga listasøguliga ramman er í fokus. Eitt er tað eyðsædda, at málningarnir hjá teimum trimum listafólkunum hava føroysk motiv. Annað er, at tá tað kemur til sambandið við samtíðarlist og eldri list verða hesi heimligu evni feld inn í ein serstakan málningaheim. Tey verða partar í einum veruleika, sum verkini sjálv og onnur list áseta. Tí eitur bókin Millum Føroyar og málningin.

Bókin er 392 síður til støddar og kemur út á føroyskum og donskum. Nógvar myndir eru í henni, ikki bara eftir hesar tríggjar málararnar, men eisini av mongum listasøguligum parallellum og verkum, sum hava givið íblástur.

Framløgan verður í Norðurlandahúsinum í sambandi við Bókadagarnar. 

Bókin verður henda dagin at fáa fyri serprís. 

Framløgan er ein myndasýning og øll við áhuga fyri føroyskari list og mentan eru hjartaliga vælkomin.

Tiltakið er ókeypis, men tilmelding krevst.
https://tix.fo/fo/nlh/buyingflow/tickets/313/797/

Mál: Danskt

Nils Ohrt er mag.art. í listasøgu og fyrrverandi stjóri á Listasavinum (2011-19).

Listasavn Føroya ynskir Nils Ohrt hjartaliga tillukku við bókini!