Framsýningin "Tónar taka skap" letur upp tann 3. sep.
Vælkomin til fernisering tann 3. sep. millum kl. 16-18.
Fríggjadagin 3. september kl. 16 letur framsýningin "TÓNAR TAKA SKAP" upp á Listasavni Føroya.
Fá innlit í listaligu tilgongdirnar frá tónleiki til visuellan samleika hjá fjøllistamanninum Heiðriki á Heygum.
Listaliga arbeiðið hjá HEIÐRIK fevnir um eitt fjølbroytni av háttaløgum innan myndlist, film og tónleik. Í hesi framsýning sleppur tú at trína inn í arbeiðsrúmið hjá HEIÐRIK og koma við á eina ferð handan kreativa hugaheimin.
Fernisering verður fríggjadagin 3. september millum kl. 16-18.
Karina Lykke Grand, stjóri, bjóðar vælkomin og Heiðrik á Heygum fer at siga nøkur orð um framsýningina.
Guðrið Hansdóttir fer at spæla tvey løg og Anthony Charles fer at diska.
Listasavnið bjóðar ábit og drykkjuvørur.
Øll eru hjartaliga vælkomin!
Sámal Blak, pallsmiður, og Heiðrikur á Heygum hava ment og sniðgivið framsýningina.
FAKTA
Heiðrikur á Heygum (f. 1983)
Listamaður, filmsframleiðari og tónleikari
BA frá Icelandic Academy of Fine Art og leikstjóri frá danska filmskúlanum Super16
Sámal Blak (f. 1983)
Pallsniðgevi
Útbúgvin frá Central St. Martins College of Art & Design
Listasavn Føroya er opið hvønn dag millum kl. 11-17.
Exhibition Opening: "The Body"
Shrovetide mask at the National Gallery of the Faroe Islands
Listasavn Føroya will have a new director
Vetrarjazz at the National Gallery of the Faroe Islands
Merry Christmas - we'll be open again 15 January
Merry Christmas and a Happy New Year! We look forward to welcome you in 2024.
The National Gallery will be open from the 15 January.