Vit sóknast eftir myndum av skipum og bátum
Stóra serframsýningin Havið á Listasavni Føroya bjóðar fleiri enn 100 listaverk, sum lýsa havið og lívið í sjónum á alskyns hátt. Ofta hava myndir av bátum og skipum ein heilt serligan týdning fyri eigaran av listaverkinum - møguliga er myndin av einum skipi, sum onkur í familjuni hevur átt, hevur siglt við, ella at listaverkið í sjálvum sær hevur serstakt virði. Og kring Føroyar eru nógv listaverk, sum hava bátar og skip sum myndevni.
Vit á Listasavni Føroya vilja fegin víðka um Havið við at heita á fólk at senda okkum fotomyndir av listaverkum av skipum og bátum. Á henda hátt kunnu vit vera felags um listaverkini - felags um listina, søgur um myndevnini og sleppa at síggja fotomyndir av verkum, sum annars ikki kunnu síggjast alment. Vit savna allar tær innsendu myndirnar á einum veggi í forhøllini. Øll sum senda inn fáa ókeypis atgongd til Listasavn Føroya. Vit skriva ikki navnið á eigaranum av listaverkinum uttan so, at viðkomandi ynskir hetta.
Soleiðis gert tú:
- Tak eina fotomynd av listaverkinum
- Um tú veitst navnið á listafólkinum ella navnið á bátinum ella skipinum, kanst tú viðmerkja hetta, og um tú hevur eina søgu, ert tú vælkomin at senda hana við.
- Send teldupostin til info@art.fo
Vit prenta myndina og upplýsingar um verkið og heingja tað á ein myndavegg, sum stendur í forhøllini á Listasavni Føroya.
Øll eru vælkomin at vitja, forvitnast og fregnast.
Listasavn Føroya er opið týsdag til sunnudag kl. 13-16.
Shrovetide mask at the National Gallery of the Faroe Islands
Listasavn Føroya will have a new director
Vetrarjazz at the National Gallery of the Faroe Islands
Merry Christmas - we'll be open again 15 January
Merry Christmas and a Happy New Year! We look forward to welcome you in 2024.
The National Gallery will be open from the 15 January.