Persónsdátupolitikkur
Vit í Listasavni Føroya hava stóra virðing fyri persónsupplýsingunum hjá øllum okkara viðskiftafólkum og hava sum aðalmál at verja tær upplýsingar, sum vit hava í varðveitslu. Endamálið við hesum politikki er at lýsa, hvussu vit savna, nýta og goyma tínar persónsupplýsingar, umframt hvussu vit verja hesar upplýsingar og hvussu tú kanst fremja tíni lógarásettu rættindi. Vit taka øll fyrivarni fyri at verja tínar persónsupplýsingar sambært galdandi lóggávu.
Um tú hevur spurningar um okkara viðgerð av persónsupplýsingum, ert tú altið vælkomin at seta teg í samband við okkum.
Innsavning av persónsupplýsingum
Persónsupplýsingar eru øll sløg av upplýsingum, sum beinleiðis ella óbeinleiðis kunnu eyðmerkja ein fysiskan (livandi) persón, t.d. navn, bústaður, teldupostur og telefonnummar. Tað kann eisini vera t.d. ferðaseðlanummar, passnummar og ymisk sløg av elektroniskum dátum sum IP-nummar, um hesi kunnu knýtast til ein fysiskan persón.
Vit savna persónsupplýsingar á ymsan hátt, men aloftast er tað beinleiðis frá tær.
Upplýsingar, sum verða savnaðar í samband við limakort
Tá ið tú upprættar teg sum lim í Listasavni Føroya umvegis heimasíðu okkara ella í móttøkuni á savninum, savna vit persónsupplýsingar frá tær – tað er neyðugt fyri at vit kunnu gera mun á limum og fyri at kunna um nýggj tiltøk. Tá biðja vit m.a. um navn, teldupost, føðingardag og kyn.
Upplýsingar, sum verða savnaðar í samband við hald av okkara tíðindabrævi
Um tú teknar teg til tíðindabrævið hjá Listasavni Føroya, savna vit títt navn og tín teldupost, so at vit kunnu senda tær tíðindabrævið. Okkara tíðindabræv inniheldur góð tilboð og aðrar upplýsingar, sum eru viðkomandi fyri teg. Tey kunnu eisini innihalda kappingar, spurnablað og lýsingar frá okkara samstarvspørtum.
Serlig flokking av persónsupplýsingum (viðkvæmir upplýsingar)
Vit skráseta sum útgangsstøði ikki viðkvæmar persónsupplýsingar. Skuldi hetta sum undantak verið neyðugt, biðja vit um nágreiniligt samtykki til at skráseta viðkvæmar persónsupplýsingar, uttan so, at vit hava skyldu ella lógarásettan rætt til at skráseta viðkvæmar upplýsingar.
Viðgerð og goyming av persónsupplýsingum
Øll okkara viðgerð av persónsupplýsingum fer fram sambært galdandi lógarreglum, og er henda viðgerð grundað á fylgjandi:
- Tú hevur givið okkum samtykki til at brúka tínar persónsupplýsingar til eitt ávíst endamál.
- Tú hevur gjørt eina avtalu ella umhugsar at gera eina avtalu við okkum um eina tænastu.
- Tú hevur keypt á einum av okkara heimasíðum.
- Vit hava løgfrøðiliga skyldu til tess, t.d. sambært:
- Skattalóggávu
- Bókhaldslóggávu
- Persónsdátulóggávu
- Tað er neyðugt fyri at fylgja einum sjálvstøðugt heimilaðum áhugamáli hjá Listasavni Føroya. Hesi áhugamál kunnu vera hagfrøði ella marknaðarføring.
Marknaðarføring
Um tú teknar teg til okkara tíðindabræv, brúka vit tínar persónsupplýsingar til at senda tær tíðindabrævið.
Hvussu leingi goyma vit tínar persónsupplýsingar?
Vit goyma tínar upplýsingar, so leingi sum tað er neyðugt í mun til endamálið, sum tíni dátu eru skrásett og verða brúkt til. Vit goyma altíð tínar upplýsingar so leingi vit veita tær eina tænastu ella eina vøru. Tá tíni viðskiftaviðurskifti enda, goyma vit vanliga tínar upplýsingar í 5 ár eftir hetta. Hetta er serliga í samband við at uppfylla okkara skyldur í mun til roknskaparlóggávuna.
Víðarilatan av persónsupplýsingum
Vit deila í ávísum førum tínar persónsupplýsingar við triðjapartar. Hetta kann vera við almennar myndugleikar, tá hetta er álagt okkum í galdandi lóggávu, ella við uttanhýsis samstarvspartar, um vit hava títt samtykki, ella vit hava ein lógarásettan rætt til tað.
Innlit í tínar persónsupplýsingar
Tú kanst fáa innlit í tínar persónsupplýsingar, sum vit hava skrásettar og brúka, íroknað hvar hesar stava frá, og hvat vit brúka tær til. Tú kanst fáa at vita, hvussu leingi vit goyma tínar upplýsingar, og hvør móttekur upplýsingar um teg, í teimum føri har vit luta tínar upplýsingar í Føroyum og uttanlands. Tín rættur til innlit kann tó vera avmarkaður við lóg ella skerdur í tann mun títt innlit ger seg inn á rættin hjá øðrum.
Rætturin til at mótmæla
Í summum førum hevur tú rætt til at mótmæla okkara viðgerð av tínum persónsupplýsingum.
Rætt til at biðja um rætting, striking ella steingjan
Tú kanst biðja um at fáa rættað, strikað ella stongt persónsupplýsingar, sum eru rangar, villleiðandi ella eru viðgjørdar ímóti lóg ella ásetingum heimilaðum í lóg.
Afturkalling av samtykki
Tú kanst til eina og hvørja tíð afturkalla eitt samtykki. Gev gætur, at um tú afturkallar eitt samtykki, eru vit møguliga ikki før fyri at veita tær eina ávísa tænastu.
Gev gætur, at vit eisini halda fram við at brúka tínar persónsupplýsingar t.d. fyri at yvirhalda eina avtalu, ið vit hava gjørt við teg, ella um vit hava ein lógarásettan rætt til at gera so.
Tað kunnu vera treytir ella avmarkingar til hesi rættindi, alt eftir serstøku viðurskiftunum.
Samband og kærumøguleikar
Tú ert altíð vælkomin at seta teg í samband við okkum, um tú hevur spurningar um tíni rættindi og hvussu vit skráseta og brúka tínar persónsupplýsingar. Tú kanst seta teg í samband við okkum soleiðis:
Teldupostur: info@art.fo
Listasavn Føroya
Gundadalsvegur 9
100 Tórshavn
Tlf.: +298 223579
Um tú ynskir at kæra um okkara viðgerð av tínum persónsupplýsingum, kanst tú senda kæru inn til Dátueftirlitið:
Teldupostur: dat@dat.fo
Dátueftirlitið
Postsmoga 300
Tinganes
110 Tórshavn
Tlf.: +298 309100