| |
Info
»
»
»
»
»
»
»
Savnið
»
»
»
»
»
Feløg o.a.
»
»
|
|
|
| |
Listafelag Føroya
Mestsum øll tey ungu listafólkini av tí fyrsta ættarliðinum, ið fingu sær útbúgving á kunstakademinum í Keypmannahavn, eisini S. J-Mikines, Føroya fyrsti professionelli listamálari, vóru stødd í Keypmannahavn, tá ið Danmark í 1940 varð hersett og alt samband við Føroyar kvett.
Føroyskir studentar og aðrir útisetar í stórbýnum stovnaðu í 1941 Listafelag Føroya við tí endamáli at stuðla hesi nýggju listagrein, myndlistini. Eftir kríggið fluttu listafólkini til Føroya, somuleiðis Listafelagið, ið fekk stóran týdning fyri tað myndlistarliga umhvørvi, ið vaks fram í høvuðsstaðnum í 1950árunum.
Í 1948 setti Føroya Løgting eftir áheitan frá Listafelagnum á stovn Alment føroyskt Listasavn. Við stuðli frá mongum góðum kreftum bygdi Listafelagið framsýningarhúsið Listaskálan, ið læt upp í 1970. Í 1989 vórðu almenna føroyska listasavnið, listasavnið hjá Listafelagnum og Listaskálin samskipað í Listasavn Føroya.
Limaskapur í Listafelag Føroya
Ein og hvør kann vera limur í Listafelag Føroya, ið er stuðulsfelag hjá Listasavninum
| Limaskapur gevur fleiri fyrimunir: Tygum fáa m.a: |
Skrivliga innbjóðing til allar framsýningarupplatingar og fráboðanir um tiltøk í Listaskálanum.
Fráboðanir um onnur tiltøk Listafelagsins, eitt nú listaferðir til onnur lond.
Ókeypis atgongd til allar framsýningar (uttan Ólavsøkuframsýningina)
Tilboð á hvørjum ári um serprís á steinprentum ella øðrum grafikki frá føroyskum listafólkum (vanliga 25-30% av rætta prísinum)
Við limaskapi tygara stuðla tygum føroyska myndlist, m.a. framsýningar, ið Listafelagið skipar fyri og virksemið hjá Listasavni Føroya.
Limaskapur fæst við at ringja, skriva ella meyla til Listafelag Føroya. |
| Bústaður |
Nevnd |
Listafelag Føroya
c/o Listasavn Føroya
P.O. Box 1141
FO-110 Tórshavn
Faroe Islands
E.
|
Malan Marnersdóttir, forkona
Hilmar Høgenni, kassameistari
Jóannes Lamhauge, skrivari
Marjun Sigurðardóttir
Katrin í Gongini. |
Aðalfundir
Aðalfundarfrágreiðing 2006 kann takast niður sum PDF format her  .
Aðalfundarfrágreiðing 2005 kann takast niður sum PDF format her .
 
| | |
